पोखरा । पोखरामा मंगलबार पानी पर्दा दिउँसै अन्धकार भएको छ । मंगलबार दिउँसो साढे ३ बजेपछि भएको वर्षाका कारण दिउँसै अन्धकार भएको हो ।
पश्चिमी वायुको साथै स्थानिय वायुको प्रभावका कारण अहिले पोखरामा मेघ गर्जनसहित वर्षा भइरहेको छ । वर्षासँगै पोखरामा दिउँसै अध्यारो हुँदा सवारी साधनहरु हेडलाइट बालेर हिँडेका छन् । पानी परेपछि दुई पाङ्ग्रे सवारी साधन विच बाटोमा नै रोकिएका छन् भने पैदलयात्रुहरु अलपत्र परेका छन् ।
यस्तै दिउसो परेको पानीका कारण बढ्दो गर्मीमा राहत मिलेको महशुस गरिएको छ । पोखराको पछिल्लो २४ घण्टाको अधिकतम तापक्रम ३२। ३ डिग्री सेल्सियस र न्यूनतम तापक्रम १९। ४ सेल्सियस मापन गरिएको छ ।
प्रतिक्रिया लेख्नुहोस्:-