गण्डक । पछिल्लो २४ घण्टामा गण्डकीका थप २३८ जनामा कोरोना पुष्टि भएको छ। प्रदेश स्वास्थ्य निर्देशनालयको कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका ७०४ जनामा गरिएको नमुना परीक्षणमा उक्त संख्याका मानिसको रिपोर्ट कोरोना पोजेटिभ आएको हो ।
शुक्रबार संक्रमण पुष्टि हुनेमा गण्डकीका १० जिल्लाका छन् । जसअन्तर्गत कास्कीका ९० जना, तनहुँका छ जना, गोरखाका चार जना, लमजुङका १६ जना र नवलपुरका ११ जनामा कोरोना पुष्टि भएको छ । यस्तै स्याङ्गजाका ५९ जना, पर्वतका २० जना, बाग्लुङका १२ जना, म्याग्दीका १८ जना र मुस्ताङ जिल्लाका दुई जनाको परीक्षण रिपोर्ट कोरोना पोजेटिभ आएको निर्देशनालयले जनाएको छ।
आज संक्रमण पुष्टि भएकासँगै गण्डकीमा कोरोना संक्रमितको कूल संख्या १ लाख ४९२ पुगेको छ । यस्तै पछिल्लो २४ घण्टामा गण्डकीबाट ९३५ जना संक्रमणमुक्त भएका छन् । योसँगै, प्रदेशमा संक्रमणमुक्त हुनेको संख्या ९४ हजार ४६२ पुगेको छ। भने, अहिले प्रदेशभर ४ हजार ५८९ सक्रिय संक्रमित छन् ।
शुक्रबार गण्डकीमा थप एक जनाको मृत्यु पुष्टि भएको छ। मृत्यु हुनेमा स्याङ्गजा जिल्ला भिरकोट नगरपालिका (७ निवासी ७२ वर्षीय पुरुष छन्। योसँगै, गण्डकीमा कोरोना संक्रमणका कारण हालसम्म ज्यान गुमाउनेको संख्या १४४१ पुगेको निर्देशनालयले जनाएको छ ।
गण्डकीको तथ्यांक सहित देशभर पछिल्लो २४ घण्टामा २ हजार ५२६ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार ११ हजार ७३ जनामा नमुना परीक्षण गर्दा २ हजार ५२६ संक्रमण पुष्टि भएको हो ।
त्यस्तै, पछिलो २४ घण्टामा १६ जनाको कोरोना संक्रमणका कारण मृत्यु भएको छ । योसँगै मृत्यु हुनेको संया ११ हजार ७९४ पुगेको छ । शुक्रबार ८ हजार ४२५ जना संक्रमणमुक्त भएका छन् । हाल देशभर सक्रिय संक्रमितको संख्या ५६ हजार २४५७ पुगेको छ ।
प्रतिक्रिया लेख्नुहोस्:-