पोखरा । पोखरामा आयोजना हुने भनिएको एघारौ पोखरा महोत्सव स्थगित भएको छ । युनाईटेड क्लवको आयोजनामा आगामी पुषको २८ देखी माघको ९ गतेसम्म पोखराको अमरसिंह चौरमा आयोजना हुने भनिएको एघारौं संस्करणको पोखरा महोत्सव सोमबार एक विज्ञप्ती जारी गर्दै स्थगित गरेको जनाएको हो ।
क्लवका अध्यक्ष राजु श्रेष्ठले जारी गरेको विज्ञप्तीमा कोभिडका कारण नेपाल सरकारको कोभिड १० संकट ब्यबस्थापन समन्वय केन्द्र ९सिसिएमसी०को बैठकले २५ जना भन्दा बढी भेला हुन रोक लगाएकाले सो निर्णयलाई पूर्ण रुपमा पालना गर्नका लागि महोत्सव स्थगित गरेको उल्लेख छ । उनले महोत्सव अर्को सूचना जारी नभएसम्मका लागि स्थगित भएको जनाएका छन् ।
यसअघी क्लवले आईतबार मात्र पत्रकार सम्मेलन गरेर महोत्सवको तयारी पूरा भएको जनाएको थियो । आयोजकले महोत्सव स्थलमा स्टल र स्टेल बनाइसकेको छ भने प्रचारप्रसारका कार्यहरु तिव्र बनाएको थियो । आयोजकले महोत्सवमा अनिवार्य मास्क र पर्याप्त मात्रामा सेनिटाइजरको ब्यवस्था संगै थर्मल गनबाट ज्वरो चेक गरी प्रवेश दिइने बताएको थियो ।
दर्शकहरुलाई महोत्सवमा भौतिक दुरी कायम गराइने बताउदै महोत्सवमा आउने दर्शकहरुले लाइन नबसिकन घरमै बसेर टिकट काटेर आउन समेत आग्रह गरिएको थियो । प्रभु एपबाट दर्शकहरुले टिकट काट्ने ब्यवस्था संगै महोत्सव स्थल प्रवेशद्धारमा समेत पैसा हालेर टिकट लिने मेसिन समेत राखिने भएकाले टिकट काउण्टरमा त्यति मात्रामा भिडभाड नहुने उनको भनाइ थियो ।
माघ ९ गते सम्म सञ्चालन हुने महोत्सवमा विद्यालय स्तरिय लोकनृत्य प्रतियोगिता, ख्यातिप्राप्त लोकदोहोरी कलाकारहरुको प्रस्तुती संगै राष्ट्रिय तथा अन्तराष्ट्रिय ब्याण्डहरुद्धारा लाईभ कन्सर्ट हुने भनिएको थियो । महोत्सवमा लोकदोहोरी तर्फ पुरुषोत्तम न्यौपाने, प्रीति आले, प्रकाश सपुत, राजु गुरुङ, रामजी खाँड, पशुपति शर्मा, बद्री पंगेनी, राजु परियार, विष्णु खत्री, प्रजापति पराजुली, जीवन दाहाल, चोलेन्द्र सहित स्थानिय कलाकारहरु राखिएको थियो ।
साँझको पप तथा लाईभ कन्सर्ट तर्फ भिटेन, मेलिना राइ, दिनेश ढकाल, छेवाङ लामा, सविन राइ एण्ड फारोह ब्याण्ड, अभय एण्ड स्टीम इन्जीन्स, झिल्के एण्ड द कम्पनी, ए एस एम, लेकाली व्याण्ड तथा लोकल ब्याण्डहरुको प्रस्तुती रहने प्रचार प्रसार संयोजक शान्तबहादुर थापाले वताए ।
महोत्सवको मिडिया पार्टनरमा एविसी टेलिभिजन, फेवा टेलिभिजन, एभरेष्ट एफ एम ९३ मेघाहर्ज र समाधान राष्ट्रिय दैनिक, अफिसियल बंैकमा ग्रीन डेभलपमेन्ट बैंक, प्रवद्र्धकमा नेपाल पर्यटन वोर्ड, अफिसियल इन्टरनेटमा वल्र्डलिंक, अफिसियल हस्पिटलमा मेडिप्लस ट्रमा सेन्टर रानीपौवा, अफिसियल इन्स्योरेन्समा सगरमाथा इन्स्योरेन्स रहेको छ ।
प्रतिक्रिया लेख्नुहोस्:-