नेपाली कांग्रेसको १४ औँ महाधिवेशनमा पोखरा महानगरपालिकाको सहसचिव पदमा युवानेता सञ्जय आलेले उम्मेदवारी दिएका छन । आलेमगर नेविसंघको सक्रिय राजनीतिमा छन ।
गण्डकी प्रदेशको राजनीतिको केन्द्र पृथ्वीनारायण क्याम्पसमा अध्ययनरत आले विद्यार्थीका शैक्षिक मुद्धाको लागि हरेक आन्दोलनको अग्रभागमा सरिक भई आफूलाई प्रभावशाली नेताको रुपमा उभ्याएका छन ।
उनकै अगुवाइमा गतसाल गण्डकी प्रदेशमा नै पहिलोपटक प्रदेशस्तरीय मगर विद्यार्थी संघको स्थापना गरे । मगर संघको राष्ट्रिय भेलामा कांग्रेसका सभापति तथा प्रधानमन्त्री शेरबहादुर देउवा र वरिष्ठ नेता रामचन्द्र पौडेल समेत सहभागी थिए । सोही भेलाले आलेलाई मगर विद्यार्थी संघको गण्डकी प्रदेश सभापति चयन गरेको हो ।
उनै आले अहिले पोखरा महानगरको सहसचिव पदमा उम्मेदवारी दिएका छन । विद्यार्थी पृष्ठभूमिको राजनीतिमा सक्रिय रहेतापनि पार्टी पदाधिकारी देखि आम कार्यकर्तासम्म परिचित र सक्रिय रहने आलेलाई बलियो दाबेदारको रुपमा समेत हेरिएको छ ।
“युवा जोश र जाँगरले बुन्नुछ, सुन्दर देश नेपाल” भन्ने नारासहित चुनावमा होमिएका आले भन्छन, “सचेत अग्रजको अनुभव र युवाको जोश मिलाएर पार्टी र देशका लागि काम गर्नेछु ।”
प्रतिक्रिया लेख्नुहोस्:-