चिनबाट १६ लाख डोज भेरोसेल खोप नेपाल आउन लागेको छ । आज र भोलि गरी १६ लाख डोज भेरोसेल खोप नेपाल आउन लागेको हो।
नेपालले चीनसँग खरीद गरिएको ६० लाख डोज खोपमध्ये १६ लाख डोज भेरोसेल खोप नेपाल आउन लागेको हो।
चीनसँग यसअघि ४० लाख डोज भेरोसेल खोप खरिद गरिसकेको छ।
नेपालमा अहिलेसम्म ५८ लाख डोज भेरोसेल, २४ लाख ४८ हजार कोभिसिल्ड, १६ लाख डोज जोन्सन एन्ड जोन्सन, १० लाख ७७ हजार ३२० डोज एस्ट्राजेनेका गरी १ करोड ८ आठ लाख ६० हजार १७० डोज खोप आइसकेको छ।
प्रधानमन्त्री शेरबहादुर देउवा नेतृत्वको सरकारले चैतसम्म सबै नेपालीलाई कोरोना खोप दिने आश्वासन दिएको छ ।
गठबन्धनका तर्फबाट सिंहदरबारमा सरकारको न्युनतम कार्यक्रम सार्वजनिक गर्दै यस्तो घोषणा गरिएको हो ।
प्रधानमन्त्रीसमेत रहेका नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड, जसपा अध्यक्षद्वय बाबुराम भट्टराई र उपेन्द्र यादव तथा राष्ट्रिय जनमोर्चा अध्यक्ष चित्रबहादुर केसीले संयुक्त रूपमा सरकारका न्युनतम साझा कार्यक्रम सार्वजनिक गरेका हुन्।
साझा कार्यक्रम कार्यदलका संयोजकसमेत रहेका कांग्रेस महामन्त्री पूर्णबहादुर खड्काले कार्यक्रम प्रस्तुत गरेका थिए ।
प्रतिक्रिया लेख्नुहोस्:-